اسلام آباد ۔ 14 جنوری (اے پی پی) وفاقی وزیر منصوبہ بندی ترقی، اصلاحات وخصوصی اقدامات اسد عمر آکھیے جو وزیراعظم عمران خان کراچی دے بنیادی انفرا سٹرکچر اچ تکھے بہتری ڈیکھنڑ چاہندن ، کے پی ٹی توں پپری تئیں فریٹ کوریڈور، ناردرن بائی پاس، لیاری ایکسپریس وے، کراچی سرکلر ریلوے جیہوجے منصوبیں تے وفاق کم کریندا پئے ۔ کراچی منصوبے دے حوالے نال اجلاس دی صدارت کریندے ہوئیں وفاقی وزیر آکھیا جو کراچی اچ جاری منصوبیں کیتے بہوں سارے محکمیں وچال کوآرڈینیشن اتے تعاون کوں یقینی بنڑایا ونجے انہاں متعلقہ وفاقی محکمیں کوں ہدایت کیتی جو او منصوبیں دی پروسیسنگ کوں تیز کرن تاں جو انہاں منصوبیں تے عمل درآمد شروع تھی سگے ۔انہاں آکھیا جو وفاقی وزارتاں تے محکمے منصوبیں تے کاروائی تے عمل تکھے کم کرن تے امید دے صوبائی حکام وی اینویں ہی کریسن ۔ اجلاس اچ فیصلہ کیتا گے جو پاکستان ریلوے ، کے پی ٹی اتے وزارت منصوبہ بندی جنوری 2020ءدے چھیکڑ توں پہلے فریٹ کوریڈور ، ناردرن بائی پاس اتے لیاری ایکسپریس وے کیتے مشترکہ تجویز تیار کریسی۔اجلاس اچ کے سی آر دی پروسیسنگ متعلق پیشرفت دا ذکر کیتا گیا اتے فیصلہ کیتا گیا جو منصوبے کوں اگوں ودھاونڑ کیتے زیر التوا امور کوں اجوکے مہینے دے اندر حل کیتا ویسی ۔ وزیر منصوبہ بندی ڈسایا جو وفاقی حکومت ایں اہم منصوبے دی پوری حمایت کریندی اے اہم منصوبے کی مکمل حمایت کرتی ہے۔
