واشنگٹن ۔ 18 جنوری (اے پی پی) وزیر خارجہ مخدوم شاہ محمود قریشی بھارت ولوں مقبوضہ جموں و کشمیر اچ جاری انسانی حقوق دی سنگین خلاف ورزیاں ڈسیندے ہوئے امریکی سیکرٹری خارجہ مائیکل پومپیونال الیندے ہوئے خطہ اچ امن کیتے بھارت اتے پاکستان وچال بنیادی تنازعہ، مسئلہ کشمیر کوں حل کرنڑتے زورڈتے ۔وزیر خارجہ شاہ محمود قریشی اپنڑے ہم منصب کوں ڈسایاجو بھارت پنج مہینے توں 80 لکھ کشمیریاں کوں کرفیولا تے محصور رکھیے،ذرائع مواصلات تے پابندی اے،امریکا اتے پاکستان دا”پرامن جنوبی ایشیائ“ دا خواب مسئلہ کشمیر دے اقوام متحدہ دی قرارداداں اتے 80 لکھ کشمیریاں دے استصواب رائے نال حل کیتے بغیر پورا نئیں تھی سگدا۔انہاںآکھیا جو بھارتی حکومت دے انتہا پسندانہ ہندتوا ایجنڈے، لائن آف کنٹرول دی خلاف ورزیاں،آزاد کشمیر اچ شہری آبادیاں کوں نشانہ بنڑاونڑبہوں چنتے ددی گالھ اے۔ڈسایا گئے جو ملاقات اچ خطہ اچ ایرانی سرگرمیاں، افغان امن عمل اتے ڈو طرفہ معاشی تعلقات دے ودھارے اتے امریکہ۔پاکستان تعلقات دی اہمیت تے الوائے۔انہاں افغانستان اچ امن کیتے پاکستان دے مثبت کردات دی تعریف کریندے اطمینان کیتے جو پاکستان خلوص_نیت نال ”افغان امن عمل“ دی چنگی مشترکہ ذمہ داری نبھیندا پئے۔وزیر خارجہ پاک امریکا تجارت وسرمایہ کاری،”افغانستان دے سیاسی تصفیہ ”افغان امن عمل“ اتے پرامن ہمسائیگی کیلئے مخلصانہ کوششاں تے زور ڈتا۔
