بیجنگ ۔ 24 جنوری (اے پی پی) وفاقی وزیر اقتصادی امور حماد اظہر چین دے نائب وزیر خارجہ لوژاﺅ ہوئی نال بیجنگ اچ ملاقات کیتی اے ۔جمعے کوں چین دے دفتر خارجہ توں جاری بیان دے مطابق ایں موقع تے پاک چین سانجھے تعلقات اتے چین پاکستان اقتصادی راہداری (سی پیک) تعاون اتے شراکت داری تے گال مہاڑ کیتی گئی اے ۔ حماد اظہر اجوکے ہفتے دے دوران بیجنگ اچ فنانشل ایکشن ٹاسک فورس(ایف اے ٹی ایف) دے عالمی تعاون جائزہ گروپ دے اجلاس اچ شرکت کیتے چین دے دورے تے ہن ۔ انہاں ایف اے ٹی ایف دے ایشیاءو بحرالکاہل دے جوائنٹ گروپ دے اجلاس اچ پاکستانی وفد دی قیادت کیتی ۔
