اقوام متحدہ۔ 16 جنوری (اے پی پی)اقوام متحدہ دے سیکرٹری جنرل انتونیو گوتریس آکھیے جو 2030ءتئیں پائیدار ترقی دے اہداف دے حصول کیتے بین الاقوامی برادری دے درمیان مضبوط تعاون اتے کوششاں کوں ودھاونڑ دی ضرورت اے ۔ہک بیان اچ انہاں آکھیے جو غربت مکاونڑ ، کاربن اخراج اچ کمی، روزگار یا صنفی مساوات اچ اساکوں جیرھی تبدیلی چاہیدی اے 2030ءتئیں پائیدار ترقی دے اہداف کوں حاصل کرنڑ کیتے جیرھی رفتار یا پیمانے درکار ہن او ایں وقت ٹھیک کائنی۔انہاں گزریل سال دسمبر اچ میڈرڈ اچ تھیونڑ آلی 25 ویں اقوام متحدہ دی ماحولیاتی تبدیلی کانفرنس دے مایوس کن نتائج دا ذکر کریندے ہوئیں موسمیاتی تبدیلی دے مسئلے نال نبڑنڑ کیتے مقامی تے عالمی سطح تے کوششاں کوں ودھاونڑ دا اعلان کیتے۔
