اسلام آباد ۔ 8 جنوری (اے پی پی) وزیراعظم دی معاون خصوصی برائے اطلاعات ونشریات ڈاکٹر فردوس عاشق اعوان آکھیے جو اج پارلیمنٹ اچ ساریاں سیاسی جماعتاںجمہوری انداز اچ قومی مفاداگونہا کر تے پاکستان دا اصل چہرہ سنجڑوائے جیندے تے پارلیمنٹ اتے میڈیا مبارکباددے مستحق ہین۔پارلیمنٹ ہاﺅس دے باھرو سینیٹ اچ قائد ایوان سینیٹر شبلی فراز اتے سینیٹر فیصل جاوید دے رلے میڈیانال الیندے فردوس عاشق اعوان ا ٓکھیے جواج سروسز ایکٹ بل منظور تھیونڑ تے پوری قوم کوں وی مبارک ہووے جو پاکستان دی پارلیمنٹ پاکستان دا فلاحی اتے جمہوری ریاست دا حقیقی چہرہ اگونہا کیتے،قومی اسمبلی آلی کاری سینیٹ اچ وی قومی اتحاد اتے مفاہمت دی بہوں سوہنڑی مثال پیش تھئی اے جو سیاسی جماعتاں ہک قانونی طریقہ کار تے ٹردے ہوئے ملک دے وسیع تر مفاداچ بالغ نظری اتے سیاسی پختگی ڈکھائی اے،ایندے نال ملکی سالمیت اتے دفاع تکڑا تھیسی اتے بیرون دنیا پاکستان دامثبت تاثر ویسی۔انہاںآکھیے جواج ایں قانون سازی تے مہر لا تے سینیٹ ثابت کیتے جو قوم کوں ہر اوکھ نال بھڑن آندے،جڈاں قوم کٹھی تھیندی اے تاں پاکستان دے مخالفین سر چاونڑ جوگے نئیں راہندے،اج لوڑھ اے جو ہر قومی معاملے تے ایویں ہی یکجہتی کوں اگو رکھیا ونجے،خطے دے بدلدے حالات پاروں ساری ملکی قیادت سیاسی سنجیدگی ڈکھیندے ہوئے حکومت دا ہتھ ونڈاوے۔ ڈاکٹر فردوس عاشق اعوان آکھیا جو اے قانون سازی سپریم کورٹ دے فیصلے سانگے تھئی اے اتے قانونی سقم دورکرڈتا گئے۔
