پاکستان اتے بھارت وچال فوری طور جنگ دا کوئی خطرہ کائنی،خدشہ اے جو بھارت پلوامہ وانگوں حملہ کر تے پاکستان تے پا سگدے، وزیراعظم عمران خان دابین الاقوامی میڈیا کونسل نال خطاب

ڈیووس ۔ 22 جنوری (اے پی پی) وزیراعظم عمران خان آکھیا جو پاکستان اتے بھارت وچال فوری طور جنگ دا کوئی خطرہ کائنی،خدشہ اے جو بھارت پلوامہ وانگوں حملہ کر تے پاکستان تے پا سگدے،بھارت نال سارے تنازعے پر امن طریقے نال حل کرنڑ چاہندوں،کشمیر منیا ہویا بین الاقوامی تنازعہ اے،ایں تے اقوام متحدہ دی 11قرارداداں موجود ہن،پاکستان اتے امریکہ دے تعلقات ودھدے پن،پاکستان افغانستان دی صورتحال توں متاثر تھیندے،افغانستان اچ امن تھیسی تاں وسط ایشیاءتئیں تجارت ممکن تھیسی،امریکہ سمجھدا ہئی جو افغانستان دے مسئلے دا حل طاقت نال ممکن اے پر آخر کار اونکوں مذاکرات کرنڑاں پئن۔اے گالھیں انہاں بین الاقوامی میڈیا کونسل نال خطاب کریندیں ہوئیں آکھی۔وزیراعظم عمران خان آکھیا جو دہشت گردی دے خلاف جنگ اچ پاکستان دے سرحدی علاقے متاثر تھین،اساڈی حکومت سرحدی علاقیاں اچ بحالی تے کم کریندی پی اے۔انہاں آکھیا جو ،امریکہ سمجھدا ہئی جو افغانستان دے مسئلے دا حل طاقت نال ممکن اے پر آخر کار اونکوں مذاکرات کرنڑاں پئن۔انہاں آکھیا جو اساں امریکہ نال تجارتی تعلقات وی ودھاونڑ چاہدنوں۔انہاں آکھیا جو اسٹاک مارکیٹ اچ ایں سال بہتری آئی اے۔وزیراعظم آکھیا جو سول تے عسکری قیادت رلے ہن۔