اسلام آباد ۔ 27 جنوری (اے پی پی)وزیراعظم دے معاون خصوصی برائے صحت ڈاکٹر ظفر مرزا آکھیا جو پاکستان اچ اجاں تئیں کرونا وائرس دا کوئی کیس سامنڑے نی آیا،ایں وائرس بارے ذرائع ابلاغ ذمہ وارانہ رپورٹ ڈیون۔سنوا ر کوں اپنڑے ٹویٹر سنھیے اچ انہاں آکھیا جو نشتر ہسپتال ملتان اچ کلھیں رکھیے گئے چینی شہری دی صحت بہتر تھیندی پی اے،مریض دے ساہ اچ کوئی انفیکشن دی علامت کائنی ملی،انہاں دا مشکوک کیس دے طور سٹینڈرڈ پروٹوکول دے مطابق علاج کیتا ویند اپئے۔انہاں آکھیا جو پاکستان اچ کرونا وائرس دا کوئی کیس سامنڑے کائنی آیا۔
