اسلام آباد ۔ 22 جنوری (اے پی پی) پاکستان اچ غذائی ضرورتاں کیتے کنڑنک دی سالانہ طلب 14.6 ملین میٹرک ٹن اے جڈاں جو زناوراں /پکھیں دی خوراک سمیت کنڑنک دی مجموعی سالانہ طلب 25.8 ملین میٹرک ٹن اے۔ اقتصادی جائزہ رپورٹ اتے سٹیٹ بینک آف پاکستان دے اعدادوشمار دے مطابق گزریل چار سال اچ ملک اچ کنڑنک دی اوسط سالانہ پیداوار 25.4 ملین میٹرک ٹن رہی اے جیرھا جو غذا اتے فیڈ وغیرہ دی قومی ضرورتاں پوریاں کر سگدی اے ۔ رپورٹ دے مطابق پاکستان اچ فلور ملز ایسوسی ایشن (پی ایف ایم اے) دے رکن اداریں دی تعداد 1219 اے جیرھے جو یومیہ ڈو لکھ 80 ہزار میٹرک ٹن کنڑنک پیہنڑ دی صلاحیت دے حامل ہن جڈاں جو فلور ملز دے تیار کیتے گے اٹے دی یومیہ طلب 40 ہزار میٹرک ٹن اے۔
