پاکستان اچ مخیر حضرات دی کوئی گھٹکی کائنی،عوام دی فلاح تے بہبود سانگے انہاں دی کوششاں کوں مربوط بنڑاونڑ ویلھے تے لوڑھ اے،صدر مملکت ڈاکٹر عارف علوی

اسلام آباد ۔ 22 جنوری (اے پی پی) صدر مملکت ڈاکٹر عارف علوی آکھیا جو پاکستان اچ مخیر حضرات دی کوئی گھٹکی کائنی،عوام دی فلاح تے بہبود سانگے انہاں دی کوششاں کوں مربوط بنڑاونڑ ویلھے تے لوڑھ اے۔اے گالھیں انہاں منیجنگ ڈائریکٹر پاکستان بیت المال عون عباس بپی ولوں ہک پریزنٹیشن دی صدارت کریندیں ہوئیں آکھی۔ایں موقع تے وزیراعظم دی معاون خصوصی برائے سماجی تحفظ و تخفیف غربت ڈاکٹر ثانیہ نشتر، اسٹیبلشمنٹ بارے اچ مشیر محمد شہزاد ارباب اتے وزیر مملکت برائے پارلیمانی امور علی محمد خان وی موجود ہن۔صدرمملکت معذوراں سانگے پاکستان بیت المال دی موبائل ایپ دا افتتاح وی کیتا۔انہاں پاکستان بیت المال دی مستحقین دی بہتری سانگے اقدامات اتے کوششاں دی تعریف کیتی۔