اسلام آباد ۔ 23 جنوری (اے پی پی) پورے ملک دے ہوائی اڈیں تے باہرلے ملکوں آندے مسافراں اچ کرونو وائرس دی سکریننگ دا عمل شروع کرڈتے ۔ وزارت صحت دے ذرائع دے مطابق معاون خصوصی برائے قومی صحت ڈاکٹر ظفر مرزا دی زیر صدارت تھیونڑ آلے اجلاس اچ ایں حوالے نال حکمت عملی طے کیتی گئی اے جیں دے بعد سارے ہوائی اڈیں تے وزارت صحت دے عملے کوں پوری دنیا توں پاکستان آونڑ آلے مسافراں اچ کرونو وائرس دی جانچ دے عمل کیتے انفراریڈ تھرمومیٹر ڈتا گے ۔واضح رہے جو چین ،امریکا تے برطانیہ اچ کرونو وائرس پاتے ونجنڑ دی اطلاعات دے پیش نظر وزارت صحت پاکستان آندے مسافراں دی سکریننگ کیتے خصوصی اقدامات کیتن ۔
