اسلام آباد ۔13جنوری(اے پی پی) چیئرمین سینیٹ محمد صادق سنجرانی آکھیے جو سلطان قابوس ترقی پسند سوچ رکھنڑ آلے عظیم رہنما ہن، سلطان قابوس دی قیادت اچ عمان اقتصادی اتے معاشی ترقی دا ہک نواں ڈور ڈٹھے ، سلطان قابوس دی فوتگی نال پاکستان ہک عظیم تے مخلص یار توں محروم تھی گے ۔ سینیٹ سیکرٹریٹ دے مطابق اے گال انہاں اسلام آباد اچ عماد دے سفارت خانے دا دورہ کریندے ہوئیں آکھی اے ۔انہاں عمان دے سربراہ سطان قابوس دے انتقال تے اتھاں رکھی گی تعزیتی کتاب اچ اپنڑے تاثرات قلم بند کیتے ۔ایں موقع تے چیئرمین سینیٹ صادق سنجرانی آکھیا جو سلطان قابوس ترقی پسند سوچ رکھنڑ آلے عظیم رہنما ہن ، سلطان قابوس دی قیادت اچ عمان اقتصادی اتے معاشی ترقی دا ہک نوا دور ڈحتا ۔ انہاں دی وفات نال پاکستان ہک عظیم تے مخلص یار توں محروم تھی گے انہاں دی ۔مذہباں وچال ہم آہنگی تے قیام امن کیتے خدمات بھلایاں نی ونج سگدیاں ۔ چیئرمین سینیٹ آکھیا جو پاکستانی قوم عمان دی حکومت، عوام اتے قیادت نال ڈکھ اچ برابر دے شریک ہن ۔چیئرمین سینیٹ کجھ وقت عمان دے سفارتخانے اچ گزاریا تے سلطان قابوس دے انتقال تے اومانی سفیر اتے سفارتخانے دے سنیئر افسراں نال تعزیتی تے فاتحہ خوانی کیتی ۔
