چین اچ کورونا وائرس نال ہلاکتاں دی تعداد 80 تھی گئی

بیجنگ ۔ 27 جنوری (اے پی پی) چین اچ کورونا وائرس نال ہلاک تھیونڑ آلے لوکاں دی تعداد 80تئیں پج گئی اے جڈاں جو تقریباً 3000 لوکاں اچ ایں بیماری دی تصدیق تھی گئی اے ۔برطانوی نشریاتی دے مطابق چینی وزیر صحت ما زیاوئی سنوار کوں صحافیاں نال گال مہاڑ کریندے ہوئیں آکھیے جو وائر دے کھنڈ دی صلاحیت بظاہر تاں طاقت ور اے ۔ حکام ڈسائے جو ہوبائی اچ ہلاکتاں دی تعداد 56 توں ودھ تے 76 تھی گئی اے جڈاں جو 4 لوک بئی جاہ تے ہلاک تھن ۔ہوبائی دے شہر ووہان اچ لاک ڈاﺅن کوں یقینی بنڑایا گے ۔وزیر صحت اپنڑے بیان اچ آکھیے جو وائرس کوں کنٹرول کرنڑ کیتے اے بہوں اہم مرحلہ اے چین اچ تصدیق شدہ کیساں دی تعداد 2744 اے جڈاں جو سرکاری میڈیا دے مطابق 300 توں ودھ لوک تشویشناک حد تئیں بیمار ہن ۔حکام اعلان کیتے ملک اچ جنگی جانوراں دی فروخت بندے اے ،اے خیال ظاہر کیتا ویندا پئے جو اے وائرس جانوراں تاں انساناں اچ کھنڈیے تاں جو حالی تئیں سرکاری طور تے ایندی تصدیق کائنی تھئی ۔حکام دی طرفوں چینی نویں سال دی قومی تعطیلات اچ 3 ڈینھ دا اضافہ کرڈتا گے تاں جو وائرس کوں کھنڈنڑ توں روکیا ونج سگے جڈاں جو چین اچ بہوں سارے شہراں اچ سفر تے پابندی لاتی گئی اے ۔حکام دے مطابق کورونا وائرس اپنڑی علامات ظاہر تھیونڑ توں پہلے ہی اپنڑی افزائش دے دوران کھنڈدے تے ایں وجہ توںاینکوں روکنڑ اوکھا تھیندا پئے ۔