اسلام آباد ۔ یکم جنوری (اے پی پی)وزیراعظم عمران خان آکھیے جو معاشی اوکھ تے قابو پا گھدا گے ، روپیہ مستحکم تھئے 2020خوشحالی تے ترقی دا سال ہوسی ، اے گال انہاں اسلام آباد اچ ایئر یونیورسٹی دے نویں کیمپس دی تقریب نال خطاب کریندے ہوئیں آکھی اے ، وزیراعظم آکھیا جو 2020اچ پاکستانی معیشت اتے ویسی ۔انہاں آکھیا جو روپے دی قدر گھٹ تھیونڑ پاروں مہانگ ودھی ، 2020 اچ سیاحت ودھسی ، عالمی ادارے اساڈی معاشی بہتری کوں منیندے پن ۔ وزیراعظم عمران خان آکھیا جو ماضیا چ مشرق وسطی توں طالب علم اتھاں تعلیم حاصل کرنڑ آندے پن ، اعلیٰ تعلیم دا معیار ودھاونڑ بہوں ضروری اے ، جدید دور دے تقاضیں کوں پورا کرنڑ کیتے ٹیکنالوجی توں فائدہ چاونڑ ضروری اے ۔انہاں آکھیا جو ماضی اچ تعلیم دے شعبے تے توجہ نی ڈتی گی ، حضور اکرم ﷺ تعلیم کوں مقدس فریضہ قرار ڈتا ہئی ، وزیراعظم آکھیا جو اوکھے ڈینھ آزمائش کیتے آندے رہندن ، انشاءاللہ پاکستان اوکھے ڈینھاں توں نکل ویسی ،آزمائشاں توں نکل تے قوم مضبوط بنڑدی اے ، انہاں آکھیا جو اساں اداریں کوں مضبوط کرنڑاں اے ، میرٹ دا سسٹم گھن آونڑاں اے ، اساڈا ہدف سسٹم کوں بہتر کرنڑ اے ، وزیراعظم عمران خان آکھیا جو پاکستان اچ بہوں صلاحیت اے انصاف کارڈ نال راشن ملسی جیں دا غریب طبقہ فائدہ چیسی 2020اچ انصاف کارڈ نال راشن وی ڈتا ویسی ، ہیلتھ انشورنس کارڈ کوں پورے ملک دے غریباں تئیں پجیسوں اساں مختلف شہراں اچ پناہ گاہیں تعمیر کریندے پیوں ،غریب لوکاں کوں ہیلتھ کارڈ ڈیندے پیوں ، کچیاں وستیاں اچ لنگر شروع کریندے پیوں ،وزیراعظم آکھیا جو سیاحت دے شعبے تے توجہ ڈیندے پیوں ، وزیراعظم عمران خان آکھیا جو غریب وستیاں اچ لنگر شروع کریسوں ، ملک کوں مدینے دی ریاست وانگوں فلاحی ریاست بنڑاونڑ میڈا وژن اے ۔