کرپشن مکاونڑ اچ وقت لگسی، وزیراعظم عمران خان ملک اچ اٹے دی مصنوعی قلت دا نوٹس گھدے ،مہانگ کرنڑ آلیں دے خلاف سخت ایکشن گھدا ویسی ،سینیٹر فیصل جاوید

اسلام آباد ۔ 24 جنوری (اے پی پی) پاکستان تحریک انصاف دے رہنما سینیٹر فیصل جاوید آکھیے جو ملک توں کرپشن مکاونڑ اچ وقت لگسی ‘ بابائے قوم قائد اعظم محمد علی جناح وی آکھیا ہئی جو پوری دنیا اچ کرپشن اے مگر بر صغیر اچ کجھ ودھ اے ، وزیراعظم عمران خان ملک اچ اٹے دی مصنوعی قلت دا نوٹس گھدے ۔جمعے کوں پارلیمنٹ ہاﺅس دے باہروں میڈیا نال گال مہاڑ کریندے ہوئیں انہاں آکھیا جو ملک اچ کرپشن ودھنڑ دا تاثر درست کائنی ،وزیراعظم عمران خان دے دور حکومت اچ کرپشن گھٹ تھئی اے ،لوکاں کوں کرپشن دا علم تئیں کائناں ہئی ہنڑ پتہ لگے ،تحریک انصاف دی حکومت ڈے جادو دی چھڑی کائنی جو راتو رات 30سال دی کرپشن ختم نی کیتی ونج سگدی ،ایندے کیتے وقت چاہیدے ۔انہاں آکھیے جو ملک توں کرپشن مکاونڑ کیتے ساریں کوں رل تے کردار ادا کرنڑاں ہوسی ۔ سینیٹر فیصل جاوید آکھیے جو بے نظیر انکم سپورٹ پروگرام توں اٹھ لکھ توں ودھ لوکاں کوں کڈھیا گے جیرھے جو غریب لوکاں دے وظیفے گھندے پے ہن جڈاں جو ایں پروگرام توں سرکاری ملازم وی وظیفہ گھندے پئے ہن جنہاں دے خلاف انکوائری کیتی ویندی پئی اے تے انہاں توں گھدے گے وظیفے دی ریکوری کیتی ویسی ۔