کوئٹہ۔10جنوری(اے پی پی)کوئٹہ دے علاقے سیٹلائٹ ٹاون غوث آباد دی مسجد و مدرسہ اچ دھماکا تھئے جیندے اچ ڈپٹی سپرنٹنڈنٹ پولیس (ڈی ایس پی)سودھا 13جنڑے مر گین اتے 19 زخمی تھین جڈاں جو ریسکیو ذریعاں ہلاکتاںو دھنڑ داخدشہ ظاہر کیتے۔ڈپٹی انسپکٹر جنرل (ڈی آئی جی) کوئٹہ عبدالرزاق چیمہ دھماکے اچ ڈی ایس پی امان اللہ سودھا 13 بندے مرنڑ دی تصدیق کیتی اے۔دھماکے دے بعد پولیس اتے بئے قانون نافذ کرنڑ آلے اداریاں دا عملہ پجیے اتے ریسکیو عملے زخمیاں کوں سول ہسپتال دے ٹراما سینٹر منتقل کیتے۔ڈسایا گئے جو اے دھماکا نماز ویلھے تھئے جڈاں وڈی تعداد اچ نمازی مسیت اچ موجود ہن۔دھماکے توں بعدکوئٹہ دے ہسپتالاں اچ الرٹ جاری کر ڈتا گئے جڈاں جو دھماکے دی نوعیت دا پتا لاونڑ کیتے تحقیقات شروع کر ڈتیان گین۔ قانون نافذ کرنڑ آلے اداریاںعلاقے کوں گھیرے اچ گھن گھدے۔
