ملتان ۔29 جنوری(اے پی پی)وستی خداداد اچ پولیس تھانڑاں کینٹ چائلڈ میرج ایکٹ دے تحت گھٹ عمر بالڑیاں دی شادی کراونڑ،تروڑ پھروڑ اتے بے الزامات اچ گھوٹ کنوار دے ابے سمیت 40بندیاں دے خلاف مقدمہ درج کر گھدے۔ہک نامزد ملزم احسن کوں گرفتار وی کر گھدا گئے جئیں نال شادی کیتی ویندی پی ہئی اتے بے بندیاں دی گول سانگے چھاپے ماریے ویندے پن۔ایس ایچ او حماد دے مطابق مقدمے اچ گھوٹ اتے کنوار دا ابے سمیت ست نامزد اتے 40نامعلوم ملزم شامل ہن۔منگل دی شام ملتان دے علاقے وستی خداداد اچ 50سالہ فیصل دی 10سالہ عائزہ اتے 40سالہ احسن دی 12سالہ طیبہ نال شادی دی کوشش کیتی ویندی پی ہئی اتے اطلاع ملنڑ تے پولیس موقع تے پج گئی جئیں تے باراتی وی موقع توں بھج گئے ۔پولیس ڈوہیں بالڑیاں دی رخصتی کوں ناکام بنڑا ڈتا۔
