2020ءنوجواناں دا سال اے، نینگراں کیتے ایں سال ہر ڈو مہینے بعد چار نویں پروگرام شروع کیتے ویسن،نینگراں کوں بااختیار بنڑاونڑ کیتے وزیراعظم دا ویژن پورا کیتا ویسی،عثمان ڈار

APP43-18 ISLAMABAD: January 19 – Prime Minister Imran Khan is expected to distribute loan cheques among the successful applicants of the Youth Entrepreneurship Scheme (YES) from Sindh on January 27. The Cheque distribution ceremony of the YES – a component of Kamyab Jawan Programme- would be held in Sindh by end of this month. Special Assistant to the Prime Minister on Youth Affairs Muhammad Usman Dar told APP on Sunday. (Match the picture with the interview slugged “PM-Sindh-Loan” already released). APP photo by Irfan Mahmood

اسلام آباد ۔ 19 جنوری (اے پی پی)وزیر اعظم دے معاون خصوصی برائے امور نوجوانان عثمان ڈارآکھیے جو 2020ءنوجواناں دا سال اے، نینگراں کیتے ایں سال ہر ڈو مہینے بعد چار نویں پروگرام شروع کیتے ویسن،نینگراں کوں بااختیار بنڑاونڑ کیتے وزیراعظم دا ویژن پورا کیتا ویسی۔اے گالھ انہاں اے پی پی دے دورہ ویلھے ہک خصوصی انٹرویو اچ آکھی جو پاکستان تحریک انصاف نوجواناں دے ووٹ نال اقتدار اچ آئی،۔ وزیر اعظم عمران خان نوجواناں دی فلاح و بہبود تے یقین رکھدن اتے نینگراں نال کیتے گئے وعدیاں تے عملدرآمد یقینی بنڑاونڑ دی سوچ رکھدن،اجوکی حکومت پچھلیاں حکومتاں آلی کار سیاسی پوائنٹ سکورنگ کیتے نئیں صرف نینگراں کوں بااختیار بنڑاونڑتے توجہ ڈیندی پئی اے،کامیاب جوان پروگرام نینگراں کون اپنڑا کاروبار ڈیونڑ اتے ہنر مندی نال بااختیار بنڑاونڑ اے جیندے کیتے غیر متعصبانہ میرٹ اتے شفافیت یقینی بنڑائی گئی اے،نینگراں کیتے پروگرام دے تحت 6اقدامات کیتے ویندے پین،ایں سال بئے چار منصوبے شروع کیتے ویسن جیڑھے ہر ڈو مہینے بعد شروع تھیسن۔ انہاں آکھیے جو نینگراں دی بھلائی کیتے قرضہ سکیم ، سٹارٹ اپ پروگرامز،یوتھ انٹر پرینیور شپ سکیم شروع کیتی اے،نینگراں کوں میرٹ تے قرض وی ڈتا ویندا پئے تاں جو اواپنڑا کاروبار کرن، ہنر سکھین اتے اپنڑا اتے ٹبر دا مستقبل سنوار سگن۔عثمان ڈارآکھیا جو چھوٹے اتے درمیانے درجے دے کاروبار ملازمتاں دے مواقع ڈے تے ملکی معیشت اچ اہم کردار ادا کریندن۔ انہاں معیشت بارے اپوزیشن دے الزامات مسترد کریندے آکھیا جو موجودہ حکومت نوجواناں تے اعتماد کریندی پئی اے،پچھلے ڈاہ سال دی انتظامی نااہلی پاروں لوکاں دی قوت خریدگھٹی اے ایندے اچ اجوکی حکومت کوں الزام ڈیونڑ ٹھیک نئیں، حکومت غریب اتے پسماندہ طبقات دی بہتری کیتے کم کریندی پئی اے،احساس پروگرا م، ہیلتھ کارڈ،گھٹ آمدنی آلے لوکاں کیتے نیا پاکستان ہاﺅسنگ سکیم، ہنر مند پاکستان پروگرام،بے گھرلوکاں کیتے پناہ گاہیں اتے لنگر خانے،نیشنل یوتھ سٹریٹجی ٹاسک فورس ،سرسبز پاکستان کیتے گرین یوتھ موومنٹ شروع کرنڑسودھا کساناں کیتے ارباں روپے دے پیکج دا اعلان کیتا گئے۔