اسلام آباد ۔ 10 فروری (اے پی پی) وزیراعظم عمران خان آکھیے جو حکومت غریب عوام دے اوکھ تے خاموش تماشائی نئیں بنڑ سگدی،عوام خاص کر تنخواہ دار طبقے کوں سوکھ دیونڑ کیتے سارے اقدامات کیتے ویسن۔وزیراعظم دے میڈیا آفس دے مطابق اے گالھ انہاں عوام بالخصوص غریب اتے تنخواہ دار طبقے کوں مہانگ توں ریلیف ڈیونڑبارے جائزہ اجلاس دی اگوانڑی کریندے ہوئے کیتی۔اجلاس اچ معاون خصوصی برائے سماجی تحفظ ڈاکٹر ثانیہ نشتر، چیئرمین یوٹیلٹی سٹورز کارپوریشن ذوالفقار علی خان، وزارتِ خزانہ، صنعت و پیداوار اتے سماجی تحفظ ڈویژن دے وفاقی سیکرٹریز، ایم ڈی یوٹیلٹی سٹور اتے بئے سینئر افسران شریک تھین۔اجلاس اچ غریب اتے تنخواہ دار طبقے کوں مہنگائی توں ریلیف ڈیونڑ اتے اشیائے ضروریہ سستے مل ڈیونڑ دے اقدامات تے غور کیتا گئے۔عام لوکاں کوں سوکھ ڈیونڑ کیتے وزیرِ اعظم ولوں وڈے فیصلیاں دا اعلان (اج)کابینہ اجلاس اچ کیتا ویسی۔وزیراعظم اجلاس نال خطاب کریندے آکھیا جو ساڈی اگونہی ترجیح عوام بالخصوص غریب اتے تنخواہ دار طبقہ اے جیکوں ریلیف ڈیونڑ کیتے حکومت ہر حدتئیں ویسی،غریب عوام دی تکالیف تے حکومت خاموش تماشائی نئیں بنڑ سگدی۔