اسلام آباد ۔ 19 فروری (اے پی پی) وزیر خارجہ شاہ محمود قریشی آکھیا جو آل پارٹیز کشمیر گروپ بہوں اہم فورم اے جئیں نال کشمیری عوام کوں بہوں امیداں ہن،گروپ بین الاقوامی سطح تے کشمیر دے مسئلے کوں چاونڑ سانگے اہم کردار ادا کریندا پے،گروپ دی 2018ءاچ کشمیر تے رپورٹ بہوں اہمیت رکھیندی اے،یورپین پارلیمنٹ،یو ایس کانگرس سمیت دنیا دی پارلیمنٹس کوں مقبوضہ کشمیراچ مظالم اتے انسانی حقوق دی خلاف ورزیاں دے خلاف آواز چاونڑی چاہیدی اے،کشمیر فلیش پوائنٹ بنڑ گئے ،عالمی امن تے اوندے منفی اثرات تھی سگدے،کئی ملک اپنڑے اقتصادی اتے تجارتی فائدے دی وجہ نال کشمیر دے مسئلے تے چپ ہن،اقوام متحدہ دے انسانی حقوق دے سربراہ وی جلدی پاکستان دا دورہ کریسن۔اے گالھیں انہاں بدھ کوں برطانوی پارلیمنٹ دے کشمیر تے آل پارٹیز پارلیمانی گروپ دے ممبراں دے رلے سانجھی پریس کانفرنس نال خطاب کریندیں ہوئیں آکھی۔ایں توں پہلے گروپ دے ممبراں وزیرخارجہ نال ملاقات کیتی۔وزیرخارجہ پارلیمانی گروپ دا پاکستان اتے آزاد کشمیر دا دورہ کرنڑ تے شکریہ ادا کیتا۔
