سیالکوٹ ۔ 12 فروری (اے پی پی) صدر مملکت ڈاکٹر عارف علوی آکھیے جو پاکستان اچ حالات سازگار تھیندے پین اتے اج جگ اتھاں سرمایہ کاری کرنر کیتے تیار اے،ساکوں آپ وی ایندی تیاری کرنڑی ہوسی،صنعتاں دے ودھارے کیتے نوجواناں دی صلاحیتاں توں فیدہ چاونڑا ہوسی، کامیاب جوان پروگرام شفافیت اتے افادیت پاروں فیدہ مند ثابت تھیسی۔اے گالھ صدر مملکت ڈاکٹر عارف علوی سیالکوٹ اچ کامیاب جواب پروگرام دے تحت چیک تقسیم ونڈنڑ دی تقریب نال خطاب کریندے آکھی۔انہاں کامیاب جوان پروگرام اچ شفافیت دی تعریف کیتی جو ایندے اچ بغیر کہیں سفارش دے قرضے ڈتے ویندے پین،اے پروگرام میرٹ، مقابلے دی فضاءاتے چنگی کارکردگی ڈکھاونڑ دا موقع ڈیندے،صنعتاں دے ودھارے کیتے نوجواناں دی صلاحیت توں فیدہ چاونڑا ہوسی،نینگر جدید علم گھنڑ کیتے انٹرنیٹ اتے ٹیکنالوجی دا ودھ استعمال کرن۔ انہاں دہشت گردی دے خلاف کامیاب جنگ تے پاکستانی سیکورٹی فورسزکوں خراج تحسین پیش کریندے آکھیے جو سیکورٹی فورسز دی قربانیاں نال ملک اچ امن اتے سوجھلا ولیے،ساکوں اپنڑی قوم کوں حوصلہ ڈیونڑا ہوسی۔بھارتی معاشرے ہمیشہ جنگی جنون دا شکار ہوونڑ داثبوت ڈتے بھل پاکستان دی حکومت، میڈیا اتے معاشرے امن دی گالھ کیتی اے۔تقریب نال وزیراعظم دی معاون خصوصی برائے اطلاعات و نشریات فردوس عاشق اعوان اتے وزیراعظم دے معاون خصوصی برائے امور نوجوانان عثمان ڈاروی خطاب کیتے۔
