احمدپورشرقیہ، اوچ شریف اچ نینگر اپنڑی شادی دے ڈینھ حادثے اچ اللہ کوں پیارا تھی گیا

احمدپورشرقیہ ۔ 24 فروری (اے پی پی)تحصیل احمدپورشرقیہ دی سب تحصیل اوچ شریف اچ نینگر اپنڑی شادی دے ڈینھ حادثے اچ اللہ کوں پیارا تھی گیا ،گھر اچ ماتم،اوندے ماءپیو کوں غشی دے دورے پونڑ لگ گئے ۔رشتہ داراں دے مطابق محمد یوسف دی بھینڑ اتے بہنوئی شادی تے آونڑ توں انکار کیتا تاں او انہاں کوں مناونڑ سانگے موٹرسائیکل تے ویندا پیا ہئی ،رستے اچ ٹرالے دی ٹکر نال جاں بحق تھی گیا،ٹرالے دا ڈرائیور موقع توں بھج گیا۔