اسلام آباد ۔ 17 فروری (اے پی پی) اقوام متحدہ دے سیکرٹری جنرل انتونیو گوترس آکھیا جو گزریل چار ڈہاکیاں توں افغان مہاجرین دی فراخدلی نال میزبانی کرنڑ تے پاکستان کوں خراج تحسین پیش کریندوں،پاکستان اتے عوام اتے حکومت افغان مہاجرین سانگے نہ صرف گھراں جڈانجو اپنڑے دل دے دروازے وی کھولین،عالمی برادری لکھاں افغان مہاجرین دی میزبانی تے پاکستان کوں امدا د ڈیوے،افغان مہاجرین دی باعزت وطن واپسی سانگے سازگار معاشی،سیاسی اتے معاشرتی ماحول پیدا کرنڑ عالمی برادری دی ذمہ واری اے،افغانستان اچ امن کوں موقع ڈیونڑاں چاہیدے،پاکستان افغانستان اچ امن سانگے پرعزم اے،افغان حکومت اتے عوام دی قیادت اچ امن عمل افغان تنازعہ دا ہکو حل اے،مقبوضہ کشمیر بارے اقوام متحدہ دی قرارداداں اتے انسانی حقوق دا احترام بہوں ضروری اے،سفارتکاری اتے مذاکرات نال ای سارے مسئلے حل تھی سگدن۔اے گالھیں انہاں سنوار کوں اتھاں افغان مہاجرین دی میزبانی دے چالہی سال پورے تھیونڑ تے بین الاقوامی کانفرنس دے موقع تے بحث اتے بعد اچ وزیر خارجہ شاہ محمود قریشی رلے پریس کانفرنس نال خطاب کریندیں ہوئیں آکھی۔وزیراعظم شاہ محمود قریشی آکھیا جو ڈوہیں ملکاں کوں احساس تھی گئے جو ڈوہیں ملکاں کوں ہک ڈوجھے دی لوڑھ اے۔
