اسلام آباد ۔ 9 فروری (اے پی پی) پاکستان کرکٹ بورڈایچ بی ایل پاکستان سپر لیگ 2020 دے میچ آفیشلز دا اعلان کرڈتے جیندے مطابق 20 فروری توں 22 مارچ تئیں جاری رہنڑ آلے ٹورنامنٹ دے کوئٹہ گلیڈی ایٹرز اتے اسلام آباد یونائیٹڈ وچال کراچی اچ تھیونڑ آلے افتتاحی میچ اچ رچرڈ ایلنگ ورتھ اتے فیصل خان آفریدی امپائرنگ کریسن۔ایونٹ اچ 34 میچز تھیسن جیندے کیتے سری لنکا دے روشن ماہانامہ، آصف یعقوب ، سید امتیاز اقبال ،رچرڈ ایلنگ ورتھ، رینمور مارٹینیز،مائیکل گف سودھے 3 غیر ملکی امپائرز 4 مختلف شہراں کراچی، لاہور، ملتان اتے راولپنڈی اچ میچاں دی امپائرنگ کریسن۔ترائے واری آئی سی سی امپائر آف دی ائیر دا اعزاز جیتنڑ آلے علیم ڈار وی ایچ بی ایل پی ایس ایل 2020 دا حصہ ہوسن۔او 10، 11 اتے 15 مارچ کوں میچاں دی امپائرنگ کریسن۔پینل اچ پہلیو اری پنج امپائر اسلم بڑیچ، ماجد حسین، ناصر حسین، ثاقب خان اتے سید امتیاز اقبال وی شامل ہین۔ کوالیفائر، 2 ایلیمنٹرز اتے فائنل کیتے میچ آفیشلز دا اعلان بعد اچ کیتا ویسی۔
