راولپنڈی۔ 9 فروری (اے پی پی) قومی ٹیم دے سٹار بلے باز بابر اعظم سوہنڑی کارکردگی دا تسلسل ٹوریا ہویا اے اتے او پچھلے 7 ٹیسٹ اننگز اچ 122.8دی اوسط نال چار سنچریاں جوڑ تے کل 614 رنزبنڑا چکین۔ایندے اچ انہان دیاں ڈو ففٹیان وی شامل ہین۔ بابراعظم بنگلہ دیش دے خلاف راولپنڈی ٹیسٹ دی پہلی اننگز اچ کیرئر بیسٹ شاندار143 رنزبنڑائن۔او مسلسل 3 ٹیسٹ سنچریاں بنڑاونڑ آلے پاکستان دے ستویں بلے بازبنڑ گین۔ انہاں سری لنکا دے خلاف سیریز دے پہلے ٹیسٹ میچ اچ 102 رنزدی ناقابل شکست اننگز کھیڈی ہئی اتے ڈوجھے ٹیسٹ دعی پہلی اننگز اچ 60 اتے ڈوجھی اننگز اچ (ناٹ آﺅٹ) 100 رنزبنڑائے ہن۔ایں توں پہلے انہاں آسٹریلیا دے خلاف پہلے ٹیسٹ دی ڈوجھی اننگز اچ 104 اتے ڈوجھے ٹیسٹ دی پہلی اننگز اچ 97 رنزبنڑائے ہن۔
