اسلام آباد ۔ 27 فروری (اے پی پی) وزیراعظم دی معاون خصوصی ڈاکٹر فردوس عاشق اعوان آکھیے جو امریکی صدر ڈونلڈ ٹرمپ بھارت اچ کھڑتے جیویں پاکستان دی تعریف کیتی اے اوندے نال بھارت دا پاکستان کوں دہشت گردی نال جوڑن دی کوششاں کوں بہوں گندی شکست تھئی اے جڈاں جو وزیر اعظم عمران خان دے بیانیے کو ں کامیابی ملی اے۔نجی ٹی وی چینل نال الویندے ہوئے انہاں آکھیے جو بھارتی وزیر اعظم نریندرمودی انتہا پسندی اتے متصبانہ نسل پرستانہ سوچ نال اگو تے ٹردا پئے،بھارت اچ مسماناں تے مظالم جگ اچ اوندا نام نہاد جمہوریت پسندانہ چہرہ داغدارکرڈتے،بھارت اپنڑی ہی لائی ہوئی نفرت دی بھا اچ سڑدا پئے،اے بھاہ سوکھیں بجھنڑ آلی نئیں کیوں جو اے نسل پرستی اتے نفرت دی بھا اے۔انہاں آکھیے جو 27 فروری ساڈے مانڑ دا ڈینھ اے جڈاں بھارت کوں ساڈاسرپرائز تریخ اچ یاد رہسی اتے اے ڈینھ افواج پاکستان وی کڈاھیں نہ بھلسن جو اساں بھارت کوں اپنڑی قابلیت ، صلاحیت اتے عزم ڈکھائے،جیویں اساں بھارتی طیارے ڈھوائن اتے بھارتی پائلٹ نال مثالی سلوک کیتے او جگ اچ امن پسندی دی جیت دی مثال اے جیکوں پورے جگ منیے۔
