اسلام آباد ۔ 12 فروری (اے پی پی) وزیر اعظم عمران خان آکھیے جو بے آسرا تے محرومیاں دا شکار بال ریاست دی ذمے واری اے ،انہاں کوں تعلیم صحت اتے بیاں سہولتاں دے نال نال محفوظ ماحول ڈیونڑ حکومت دی ترجیح اے ، بالاں کوں ہرقسم دے استحصال توں بچاونڑ تے انہاں کوں محفوظ ماحول ڈیونڑ دے حوالے نال ہرممکن قدم چاتا ونجے ۔اے گال انہاں سیکرٹری سوشل ویلفیئر خیبر پختونخوا محمد ادریس تے چیئرپرسن چائلڈ پروٹیکشن بیورو پنجاب سارہ احمد نال گال مہاڑ کریندے ہوئیں آکھی اے جنہاں بدھ کوں اتھاں انہاں نال ملاقات کیتی ۔ ملاقات اچ بالاں دے حقوق دے تحفظ دے حوالے نال اقدامات تے تفصیلی گال مہاڑ کیتی گی ۔ وزیر اعظم آکھیا جوبالاں دی تعلیم، صحت اتے بیاں سہولتاں دے نال نال محفوظ ماحول ڈیونڑ حکومت دی ترجیح اے ۔ بال اساڈا مستقبل ہن ۔مستقبل دے معماراں تے سرمایہ کاری تے انہاں دے بہتر نشونما نال ہی ملک تے قوم دی ترقی ممکن تھیسی ،انہاں آکھیے جو بے آسرا اتے محرومیاں دا شکار بالاں دے تحفظ اتے انہاں کوں تعلیم تے صحت دیاں بہترین سہولتاں ڈیونڑ تے توجہ ڈتی ونجے ۔ ۔وزیر اعظم آکھیے جو بالاں کوں ہر قسم دے استحصال توں بچاونڑ تے انہاں کوں محفوظ ماحول ڈیونڑ کیتے ہرممکن قدم چاتا ویسی ۔
