اسلام آباد ۔ 14 فروری (اے پی پی) وزیر اعظم دے مشیر برائے خزانہ وریونیو ڈاکٹر عبدالحفیظ شیخ آکھیے جو ترسیلات زر دی وصولی ودھدی پئی اے،جنوری 2020ءاچ بیرون ملک راہنڑ آلے پاکستانیاں دی ترسیلات زردی شرح اچ 9.36 فیصد ودھارا تھئے۔اے گالھ انہاں ہک ٹویٹ اچ کیتی جو پچھلے سال دے مقابلے اچ ایں مای سال دے پہلے 7مہینے اچ ترسیلات زردی وصولی اچ 4.1 فیصد ودھارا ریکارڈکیتا گئے، جولائی تا جنوری 2019-20ءکوں ترسیلات زر دا حجم 13.30 ارب ڈالر تئیں پج گئے جڈاں جو جولائی تا جنوری 2018-19ءاچ 12.74 ارب ڈالردی ترسیلات زرملین اتے ترسیلات زر اچ 4.1 فیصد ودھارا تھئے۔
