واشنگٹن ۔ 18 فروری (اے پی پی) جاپان اچ کورونا وائرس دے شکار تفریحی جہاز ڈائمنڈ پرنسس اچ پھتے328امریکی ڈو طیاریاں تے وطن واپس پج گئے ۔انہاں اچ او14بندے وی شامل ہن جنہاں اچ وائرس دی تشخیص تھی ہئی۔امریکہ دے محکمہ خارجہ اتے محکمہ صحت ہک بیان اچ ڈسیا جو امریکی مسافراں کوں ڈو طیاریاں تے وطن واپسی پجایا گئے۔وائرس دے متاثرین اچ علامات ختم تھی گئن ایں سانگے جاپانی حکام انہاں کوں سفر دے قابل قرارڈتا ہئی ۔انہاں کوں طیارے اچ ڈوجھے مسافراں توں انج رکھیا گیا ہئی ۔سارے مسافر آندے پندرہ ڈینھ قرنطینہ اچ رکھے ویسن اوندے بعد انہاں کوں گھر ونجنڑ دی موکل ڈتی ویسی۔
