لاہور۔3 فروری(اے پی پی )پنجاب حکومت دے سیاسی معاون سید رفاقت علی گیلانی آکھیے جو پبلک پرائیویٹ پارٹنرشپ انفراسٹرکچر فنڈز دا قےام عمل اچ گھن آونڑ تے غور کیتا ویندا پئے ،صوبے دے سالانہ پروگرام دے تحت ہنڑ تئیں ہک ارب87کروڑ روپے دے جاری فنڈز اچوں مختلف منصوبیں تے ہک ارب ست کروڑ خرچ کیتے گن جڈاں جو 42 ارب روپے پبلک پرائیویٹ پارٹنرشپ دے منصوبیں کیتے رکھیے گن۔ سنوار کوں اپنڑے دفتر اچ آئے وفد نال ملاقات کریندے ہوئیں انہاں آکھیا جو جنوبی پنجاب دی ترقی کیتے 62ارب رکھیے گن جیں اچوں 42 ارب روپے دے فنڈز ریلیز کیتے گن، حکومت جنوبی پنجاب دے شہر لیہ اچ عوام کوں صحت دیاں بہترین سہولتاں ڈیونڑ کیتے تکھے اقدامات کریندی پئی اے ،ایں سلسلے اچ 1000ملین روپے دی لاگت نال 200بستریں دا ”مدر اینڈ چائلڈ ہسپتال“بنڑایا ویندا پئے ۔انہاں آکھیے جو وزیر اعلیٰ سردار عثمان بزدار جنوبی پنجاب دے لوکاں کوں اعلیٰ معیار دی زندگی ڈیونڑ کیتے کم کریندے پن ۔اے ہسپتال 200کنال رقبے تے مشتمل ہوسی تے جدید تے اعلیٰ معیار دا حامل ہوسی ،انہاں آکھیے جو صوبے دے پسماندہ علاقے دے لوکاں کوں ترقی یافتہ شہراں دے برابر ہر قسم دیاں سہولتان ڈیونڑ کتیے تکھے اقدامات شروع کرڈتن ۔انہاں آکھیے جو ماضی اچ جنوبی پنجاب دی ترقی دیاں گالھیں صرف کاغذی کاروائی تئیں محدود رہیا ۔ وزیر اعلیٰ سردار عثمان بزدار جنوبی پنجا ب دے ہر علاقے تے شہر کوں ترقی یافتہ بنڑاونڑ اچ کوئی کسر نہ چھوڑیسن ۔سارے محکمیں کوں سالانہ ترقیاتی پروگرام دے تحت مختلف سکیماں تے کم دی رفتار تکھے کرنڑ دی ہدایت کیتی گی اے ۔صوبے دے پسماندہ علاقیں اچ وی انڈسٹریل اسٹیٹس کوں ڈویلپ کیتا ویندا پئے ۔ عبوری صوبائی فنانس کمیشن ایوارڈ فنکشنل اے جڈاں جو پنجاب کابینہ پنجاب لوکل گورنمنٹ ایکٹ 2019ءدے تحت کمیشن دے قیام دی منظوری ڈتی اے ۔پنجاب اچ مجموعی طور تے 455 لوکل گورنمنٹ وجود اچ آسن ۔انہاں آکھیے جو پنجاب میونسپل سروسز پروگرام کیتے ارباں روپے رکھیے گن ۔
