جگ اچ اسلام دے خلاف منفی پروپیگنڈے اتے پاکستان اچ چین بارے منفی رجحانات کوں ناکام بنڑاونڑ کیتے رل مل تے کم کرنڑا ہوسی، وفاقی وزیر پارلیمانی امور اعظم سواتی

اسلام آباد ۔ 07 فروری (اے پی پی) وفاقی وزیر پارلیمانی امور اعظم سواتی آکھیے جو جگ اچ اسلام دے خلاف منفی پروپیگنڈے اتے پاکستان اچ چین بارے منفی رجحانات کوں ناکام بنڑاونڑ کیتے رل مل تے کم کرنڑا ہوسی۔ اے گالھ انہاں سینیٹ اچ الویندے آکھی جو سینیٹ دے وفد کجھ عرصہ پہلے چین دا دورہ کیتا ہا اتے ارومچی اچ مختلف مدارس اتے مسیتاں اچ وی گئے ہاسے جتھاں مسلماناں دے مسلے پچھیے جیکوں متعلقہ گورنرفوری پورا کر ڈتے،اے ضروری اے جو چینی مسلماناں نال سلوک بارے چین دے خلاف پاکستان اچ منفی پروپیگنڈے کوں ناکام بنڑایا ونجے اتے جگ اچ اسلام بارے منفی رحجانات دی حوصلہ شکنی کیتے وی رل مل تے کم تھیونڑا چاہیدے۔