اسلام آباد ۔ 7 فروری (اے پی پی) پارلیمانی سیکرٹری ہاﺅسنگ اینڈ ورکس تاشفین صفدر آکھیے جو حکومت عام لوکاں دی فلاح بہبود کیتے اقدامات کریندی پئی اے ، وزیراعظم عمران خان کشمیریاں دی حقیقی معنیں اچ نمائندگی کرتے دنیا تے ثابت کرڈتے جو کشمیر دے ایشو کوں حل کیتے بغیر خطے اچ پائیدار امن ممکن کائنی۔ اے گال انہاں” اے پی پی“ نال گال مہاڑ کریندے ہوئیں آکھی اے ،انہاں آکھیے جو حکومت اوکھے حالات دے باوجود عام بندے کوں ریلیف ڈیندی پئی اے ،انہاں آکھیے جو کشمیری ہک بہادر قوم اے تے کشمیریاں بھارت دے ہر اوچھے ہتھکنڈے دا جرات نال مقابلہ کیتے ۔ پارلیمانی سیکرٹری تاشفین صفدر آکھیے جو ہنڑ کشمیر یاں دی جدوجہد کامیاب تھیونڑ دا وقت آگے تے کوئی طاقت انہاں کوں آزادی گھننڑ توں روک نی سگدی ۔
