حکومت عوام کیتے بنیادی غذائی اجناس دامل گھٹاونڑ کتیے اقدامات دا اعلان کریسی،اٹے کھنڈ دے بحران دی ذمہ داراں کوں سزا ڈتی ویسی،وزیر اعظم عمران خان

اسلام آباد ۔ 09 فروری (اے پی پی) وزیراعظم عمران خان آکھیے جو حکومت کابینہ دے اجلاس اچ عوام کیتے بنیادی غذائی اجناس دا ملھ گھٹاونڑ کیتے مختلف اقدامات دا اعلان کریسی،ملک اچ اٹے اتے کھنڈ دابحران پیدا کرنڑ آلے عناصر دا محاسبہ کریسی اتے سزا ڈیسی۔اے گالھ وزیراعظم عمران خان ہک ٹویٹ اچ آکھی۔ انہاں آکھیا جومیں تنخواہ دار طبقے سودھا بئے عوام دا اوکھ سمجھداں تہوں میں فیصلہ کیتے جو کجھ وی تھیوے،حکومت منگل کوں کابینہ دے اجلاس اچ عوام کیتے بنیادی غذائی اجناس داملھ گھٹاونڑکیتے اقدامات دا اعلان کریسی۔ انہاں آکھیے جو سارے متعلقہ حکومتی ادارے ملک اچ اٹے اتے کھنڈدا ملھ ودھنڑ دی وجوہات بارے تحقیقات شروع کر ڈتن،قوم اطمینان رکھے جو مہانگ دے ذمہ داراں کوں سامنڑے گھن آیا ویسی اتے انہاں کوں پوری سزا ڈتی ویسی۔