راولپنڈی۔ 8 فروری (اے پی پی) پاکستان اتے بنگلہ دیش دے پہلے کرکٹ ٹیسٹ میچ دے ڈوجھے ڈینھ پاکستان اپنڑی پہلی اننگز اچ مہمان ٹیم بنگلہ دیش دے پہلی اننگز اچ 233رنز دے ولدے اچ کھیڈ مکنڑ تئیں ترائے وکٹاں دے نقصان تے 343 رنز بنڑا تے 109 رنز دی وتھی گھن گھدی اے ۔پہلی اننگز اچ پاکستان دے اوپنرعابد علی ڈو دے مجموعی سکور تے کوئی رن بنڑائے بغیر آوٹ تھین بھل اوپنر شان مسعود اتے کپتان اظہر علی پر اعتماد تھی تے ٹیم دا سکور اگو تے ودھایااتے اکانوے رنز دے شراکت جوڑی۔ایں موقع تے93رنز دے مجموعی سکورتے کپتان اظہر علی 34رنزبنڑا تے ٹر گین۔ول بابر اعظم بلا سنبھالیے اتے شان مسعود نال 112رنزدی ساجھے داری کیتی۔ شان مسعود 157گینداں تے 11چوکے جوڑ تے اپنڑی تریجھی ٹیسٹ سنچری بنڑائی اتے 205رنزتے اپنڑے بیلی کوں چھوڑ تے پویلن پج گین۔تریجھی وکٹ ڈھانڑ توں بعدبابر اعظم اتے اسد شفیق ڈٹ گین ڈینھ مکنڑ تئیں ٹیم دا مجموعی سکورترائے سو ترتالی ڈے گین۔بابر اعظم 134گینداں تے 15چوکیاں نال شاندار سنچری ماری۔اے انہاں دی ٹیسٹ اچ چوتھی اتے راولپنڈی اچ مسلسل ڈوجھی سنچری اے۔ڈوجھے پاسو اسد شفیق وی 83 گینداں تے 7 چوکے نال نصف سنچری مکمل کیتی۔بابر اعظم 143اتے اسد شفیق 60رنزتے کریز تے حالی وی جمیے ہوئن۔بنگلہ دیش ولوں ابو جاویدڈو اتے تیج الاسلام ہک وکٹ گھدی۔
