اسلام آباد ۔ 7فروری(اے پی پی)راولپنڈی کرکٹ ٹیسٹ اچ کھیڈیے ونجنڑ آلے پاک بنگلہ دیش ڈو ٹیست میچاں دی سیریز دے پہلے میچ دے پہلے ڈینھ بنگلہ دیش دی پوری ٹیم پہلی اننگز اچ 233رنز بنڑا تے آوٹ تھی گئی۔پاکستان ولوں کھبے تیز بالر شاہین شاہ ا ٓفریدی 4شکارکیتن جڈاں جو تیکھے بالر محمد عباس اتے سپنرحارث سہیل ڈو دو وکٹاں گھدن اتے نسیم شاہ ہک کھیڈاری اوت کیتے۔بنگلہ دیش ولوں بنگلہ دیشی بیٹسمین متھن 62،نظم الحسن44اتے لٹن داس33رنزنال اگو رہین اتے باقی کوئی وی کھیڈاڑی پاکستانی بالر ز دی تڈ نئیں چاءسگیا۔پاکستان ٹاس جیت تے مہمان ٹیم کوں پہلے بیتنگ کرنڑ دی دعوت ڈتی ہئی۔اے فیصلہ اوں ویلھے درست ثابت تھئے جڈاں پہلے ہی اوور اچ اوپنرسیف حسن صفرتے شاہین شاہ آفریدی داشکار بنڑ گین اتے ڈوجھے ہی اوور اچ اوپنرتمیم اقبال وہ صرف ترائے رنز تے محمد عباس دے ہتھو ایل بی ڈبلیوتھی گین۔بعد اچ مومن الحق 30 رنزبنڑا تے شاہین آفریدی داشکار بنڑین اتے نظم الحسن وی 44 رنزتے پجیے ہن جو محمد عباس کوں وکٹ ڈے بیٹھن۔اوندے بعد محمود اللہ ،لٹن داساتے متھن وی کجھ اڑی توں بعدپیلئن ول گین اتے پوری مہمان ٹیم ڈو سو تیتری دے سکور تے پویلین پج گئی۔
