اسلام آباد۔ 15 فروری (اے پی پی) رومانیہ اچ بنڑیا 2300 ٹن وزنی بحری جہاز پی این ایس یرموک پاک بحریہ اچ شامل کر گھدا گئے ۔ پاک بحریہ دے ترجمان آکھیا جو پی این ایس یرموک دی کمشننگ تقریب رومانیہ اچ تھئی اے جئیں اچ وائس چیف آف نیول اسٹاف وائس ایڈمرل محمد فیاض جیلانی ’بطور مہمان خصوصی شرکت کیتی اے۔انہاں آکھیا جو پی این ایس یرموک جدید آلات اتے ٹیکنالوجی نال لیس اے جیڑھا جو مختلف قسماں دے میری ٹائم آپریشنز سر انجام ڈیونڑ دی صلاحیت رکھیندے۔ایجھا بیا جہاز پی این ایس تبوک ایں سال سال دے ادھ تئیں پاک بحریہ اچ شامل تھیسی۔
