اسلام آباد ۔ 6 فروری (اے پی پی) سی پیک اتھارٹی دے چیئرمین لیفٹیننٹ جنرل(ر) عاصم سلیم باجوہ آکھیے جو سی پیک دے تحت توانائی دے 8 جاری منصوبیاں توں 4 ہزار470 میگاواٹ بجلی بنڑسی جیندے نال ساڈھے نوں ارب ڈالر دی سرمایہ کاری متوقع اے۔ ہک ٹویٹ اچ انہاںا ٓکھیے جو پاکستان سی پیک دے ڈوجھے مرحلے اچ روزگار دے موقع توں ودھ فیدہ چیسی ایں سانگے توانائی دے 8 پراجیکٹس تے کم تھیندا پئے جیندے اچ 4,470 میگاواٹ بجلی بنڑسی اتے 9.5 ارب ڈالر دی سرمایہ کاری تھیسی۔انہاں ڈسائے جو سی پیک دے تحت توانائی دے 9 منصوبے مکمل کیتے گین جیندے نال 5 ہزار320میگاواٹ بجلی قومی گرڈ اچ رلائی گئی اے جیندے نال 7.9ارب ڈالر سرمایہ کاری تھئی اے، جاری منصوبیاں توں ً15 ہزار227 نویں روزگار دے موقع ملسن۔
