صدر مملکت دا عوام تے صحت و صفائی دا خصوصی خیال رکھنڑ تے زور،کرونا دی صورتحال چنتے آلی اے،پاکستان کوں وی خطرہ لگ گئے،صدر مملکت ڈاکٹر عارف علوی

APP27-28 PESHAWAR: February 28 - President Dr Arif Alvi addressing during 36th Gastroenterology Conference. APP

پشاور ۔ 28 فروری (اے پی پی) صدر مملکت ڈاکٹر عارف علوی عوام تے صحت و صفائی دا خصوصی خیال رکھنڑ دی لوڑھ تے زورڈیندے آکھنڑ اے جو کرونا دا پھیلاﺅ چنتے دی گالھ اے،ہنڑ تئیں 51 ملک کرونا وائرس دا شکار تھی چکین۔اے گالھ انہاں گیسٹرالوجی کانفرنس نال خطاب اچ آکھی اے۔صدر مملکت آکھیے جو ساکوں امراض توں بچاوتے خصوصی توجہ ڈیونڑی ہوسی،ایندے کیتے ڈاکٹر ز اتے طبی ماہرین کوں فعال کردار ادا کرنڑا چاہیدے۔صدر آکھیے جو کرونا دی صورتحال چنتے آلی اے،ہنڑ تئیں 50 توں ودھ ملکاں اچ کرونا وائرس پج چکیے،اللہ مدد کریسی اتے اے پاکستان اچ نہ پھیلسی بھل ساکوں ایندے پھیلنڑ توں روکنڑ کیتے تیکھے اقدامات کرنڑے ہوسن۔انہاں کرونا توں بچنڑ کیتے احتیاطی تدابیر وی ڈسین جو نبی پاک ﷺ دی تعلیمات موجب صحت و صفائی اتے پاکیزگی تے توجہ ڈتی ونجے،ایندے کیتے آگاہی ڈیونڑ دی وی لوڑھ اے۔انہاں آکھیے جو ساکوں کرونا توں ڈرنڑ دی لوڑھ نئیں ،حکومت ایں سانگے چنگے اقدامات کریندی پئی اے۔