مظفرگڑھ ۔ 19 فروری (اے پی پی) مظفرگڑھ،پانڑی پلاونڑ اچ پنج منٹ دی دیر کرنڑ تے پئے ذال کوں قتل کر ڈتا ۔مظفرگڑھ دی تحصیل علی پور دے تھانڑاں سیت پور دی حدود سلطان پور اچ چھوٹی جیہی گالھ تے پئے ذال کوں قتل کر ڈتا۔تفصیل موجب سلطان پور دے رہنڑ آلے طاہر گزریل ڈینھ اپنڑی ذال کوں پانڑی دیر نال چا آونڑ تے اندھا دھند فائرنگ شروع کر ڈتی اتے اپنڑی ذال شاہینہ بی بی کوں قتل کر تے موقع توں بھج گیا۔اطلاع ملنڑ تے پولیس موقع تے پج کراہیں شاہینہ بی بی دی لاش کوں قبضے اچ گھن کراہیں پوسٹمارٹمل سانگے تحصیل ہیڈکوارٹر ہسپتال علی پور پجا ڈتے اتے ملزم طاہر دے خلاف مقدمہ درج کر تے اوندی گول شروع کر ڈتی اے۔
