اسلام آباد ۔ 18 فروری (اے پی پی)وزیر خارجہ شاہ محمود قرشی آکھیا جو معاشی خوشحالی اتے خطے اچ رابطے ودھاونڑ سانگے ہک مستحکم اتے خوشحال افغانستان بہوں ضروری اے۔اے گالھ انہاں اقوام متحدہ دے سیکرٹری جنرل دے خصوصی ایلچی تادامچی یاماموتو نال گالھ مہاڑکریندیں ہوئیں آکھی جنہاں منگل کوں انہاں نال وزارت خارجہ اچ ملاقات کیتی۔ملاقات اچ اقوام متحدہ دے سیکرٹری جنرل دے دورہ پاکستان بارے اہم معاملیاں تے گالھ مہاڑ کیتی گئی ۔
