موثر اتے ویلھے تے حکومتی اقدامات نال ضروری لوڑھ دی شہیں دے نرخ گھٹ تھین،پاکستان کروناوائرس فری ملک اے،ملک تے قوم کوں ایں توں محفوظ رکھنڑ سانگے پورے اقدامات کیتے ویسن،وزیراعظم عمران خان احساس پروگرام تے پورا اطمینان کیتے،سیاسی قیدی اپنڑی رپورٹس ڈیونڑ توں قاصر اے،ایجھی کیڑھی پراسرار سرجری اے جئیں بارے ڈسیا نی ویندا پیا،قانون اچ گنجائش نہ ہوونڑ دے باوجود حکومت اعلیٰ ظرفی ڈکھیندیں ہوئیں انسانی ہمدردری اتے طبی بنیاداں تے نواز شریف کوں باہر ونجڑ دی موکل ڈتی ،اتنا عرصے دے باوجود نواز شریف کوں اجاں تئیں کہیں ہسپتال اچ داخل کائنی کرایا گیا اتے نہ میڈیکل رپورٹس بھیجوائیاں گئن،ضمانت اچ بئی توسیع دی درخواست مستردتھیونڑ دے بعد نواز شریف مفرور ڈکلیئر تھی گئن،معاون خصوصی اطلاعات تے نشریات ڈاکٹر فردوس عاشق اعوان دی وزیرِ اعظم عمران خان دی صدارت اچ وفاقی کابینہ دے اجلاس دے بعد میڈیا کوں بریفنگ
اسلام آباد ۔ 25 فروری (اے پی پی) وفاقی کابینہ بجلی دے نرخ نہ ودھاونڑ،ہکو جیہا نصاب اتے احساس پروگرام اچ پارلیمنٹرینز دی شمولیت،آڈٹ اوور سائٹ بورڈ دے ڈوممبراں اتے ایگزم بنک آف پاکستان دے بورڈ ممبراں دی تعیناتی دی منظوری ڈے ڈتی اے۔منگل کوں وزیرِ اعظم عمران خان دی صدارت اچ وفاقی کابینہ دے اجلاس دے بعد میڈیا کوں بریفنگڈیندیں ہوئیں معاون خصوصی اطلاعات تے نشریات ڈاکٹر فردوس عاشق اعوان آکھیا جو موثر اتے ویلھے تے حکومتی اقدامات نال ضروری لوڑھ دی شہیں دے نرخ گھٹ تھین،پاکستان کروناوائرس فری ملک اے،ملک تے قوم کوں ایں توں محفوظ رکھنڑ سانگے پورے اقدامات کیتے ویسن،وزیراعظم عمران خان احساس پروگرام تے پورا اطمینان کیتے،سیاسی قیدی اپنڑی رپورٹس ڈیونڑ توں قاصر اے،ایجھی کیڑھی پراسرار سرجری اے جئیں بارے ڈسیا نی ویندا پیا،قانون اچ گنجائش نہ ہوونڑ دے باوجود حکومت اعلیٰ ظرفی ڈکھیندیں ہوئیں انسانی ہمدردری اتے طبی بنیاداں تے نواز شریف کوں باہر ونجڑ دی موکل ڈتی ،اتنا عرصے دے باوجود نواز شریف کوں اجاں تئیں کہیں ہسپتال اچ داخل کائنی کرایا گیا اتے نہ میڈیکل رپورٹس بھیجوائیاں گئن،ضمانت اچ بئی توسیع دی درخواست مستردتھیونڑ دے بعد نواز شریف مفرور ڈکلیئر تھی گئن۔انہاں ڈسیا جو وزیرعظم تاجر برادری دے توانائی دے نرخاں بارے تحفظات دا ذکر کریندیں ہوئیں مشیر تجارت اتے وزیرِ توانائی توں ایں بارے بریفنگ گھدی اے۔
