اسلام آباد ۔ یکم فروری (اے پی پی) وزیر اعظم دے معاون خصوصی برائے نیشنل ہیلتھ سروسز ڈاکٹر ظفرمرزادی زیرصدارت ایمرجنسی کرونا وائرس دی کور کمیٹی دا جائزہ اجلاس تھئے جیندے اچ سیکرٹری صحت،ای ڈی این آئی ایچ،حکام این ڈی ایم اے،پاک فوج دے نمائندے اتے ماہرین صحت شرکت کیتی۔اجلاس اچ سارے متعلقہ شعبیاں کوں چین توں(صبحائیں )سنوار 3 فروری کو ںشروع تھیونڑ آلیاں پروازاں سانگے پہلی پرواز دے مسافراں دی مکمّل سکریننگ دے فول پروف انتظامات دی ہدایت کیتی گئی۔ڈاکٹر ظفرمرزاآکھیا جو کرونا وائرس توں بچاو کیتے سارے سٹیک ہولڈرز کوں جنگی بنیاداں تے کم کرنڑ دی لوڑھ اے،حکومت ہر ممکن ہنگامی صورتحال توں نمتنڑ کوں تیار اے،ملک دے داخلی رستیاں تے مسافراں دی مکمل سکریننگ اتے ڈیکھ بھال یقینی بنڑائی ویسی اتے عوام دے تحفظ کیتے سارے وسائل لائے ویسن۔
