نازیوں توں متاثر آر ایس ایس دے نظریے ہک ارب توں ودھ آبادی دے ملک کوں یرغمال بنڑا گھدے،نفرت دی بنیاد تے قائم نسل پرستانہ نظریہ یکا خونریزی دا باعث بنڑدے،مقبوضہ کشمیر توں شروع کر تے بھارت ہنڑ 20کروڑ مسلماناں کوں نشانہ بنڑیندے پئن،وزیر اعظم عمران خان دا ٹویٹ

اسلام آباد ۔ 26 فروری (اے پی پی) وزیر اعظم عمران خان آکھیا جو نازیوں توں متاثر آر ایس ایس دے نظریے ہک ارب توں ودھ آبادی دے ملک کوں یرغمال بنڑا گھدے،نفرت دی بنیاد تے قائم نسل پرستانہ نظریہ یکا خونریزی دا باعث بنڑدے،مقبوضہ کشمیر توں شروع کر تے بھارت ہنڑ 20کروڑ مسلماناں کوں نشانہ بنڑیندے پئن،عالمی برادری کوں ایں دا نوٹس گھنڑاں چاہیدے،پاکستان اچ اگر کہیں غیر مسلم شہریاں یا انہاں دی عبادت گاہواں کوں نشانہ بنڑایا تاں اوں نال سختی نال نبڑیا ویسی۔اے گالھیں انہاں بدھ کوں اپنڑے ٹویٹ اچ آکھی۔انہاں آکھیا جو ہک ارب توں ودھ آبادی آلے جوہری ملک بھارت کوں نازی نظریے تے آر ایس ایس یرغمال بنڑا گھدے ۔انہاں آکھیا جو ہک اقوام متحدہ دی جنرل اسمبلی اچ میں اپنڑے خطاب اچ آکھیا ہئی جو ہک واری اے جن بوتل اچوں نکل آیا تاں خونریزی ودھسی۔انہاں آکھیا جو مقبوضہ کشمیر توں شروع کر تے بھارت ہنڑ 20کروڑ مسلماناں کوں نشانہ بنڑیندے پئن۔