اسلام آباد ۔ 12 فروری (اے پی پی) وزیر اعظم عمران خان آکھیے جو نوجواناں دے سٹارٹ اپ پروگرام دی حوصلہ افزائی نویں پاکستان داوژن اے،حکومت آئی ٹی دے شعبہ دی پوری سرپرستی کریسی۔اے گالھ وزیر اعظم عمران خان اسلام آباد اچ نیشنل انکیوبیشن سنٹر سٹارٹ اپس دی تقریب نال خطاب اچ آکھی۔انہاں آکھیا جو پاکستان قدرتی وسائل نال مالا مال خطہ اے جتھاں سونے، تانبے دے ذخائر ہین، ذرخیز مٹی اے جیکوں ملک و قوم دے چنگے فیدے کیتے استعمال کرنڑ دی لوڑھ اے۔ انہاں آکھیا جو نوجوان ساڈا ہک وڈااثاثہ ہین،انہاں کوں مواقع ڈیونڑ دی لوڑھ اے اتے نوجواناں دے سٹارٹ اپ پروگرام دی حوصلہ افزائی نویں پاکستان دا وژن اے۔عمران خان آکھیے جو اللہ تعالیٰ انسان کوں بہوں وڈیاں نعمتاں اتے صلاحیتاں ڈتن،چیلنجز نال نبڑ تے ہی کامیابی ملدی اے،جیڑھا ناکامی توں ڈرتوں ڈر ونجیے او اگو تے نئیں ودھ سگدا۔ایں موقع تے وزیراعظم کوں 10 بہترین سٹارٹ اپس بارے بریفنگ وی ڈتی گئی۔
