اسلام آباد ۔ 18 فروری (اے پی پی)وزیراعظم دا سمگلنگ کوں روکنڑ سانگے پورے ملک اچ وڈے پیمانے تے فوری کریک ڈاﺅن دا حکم ڈتے اتے کھاونڑ پیونڑ دی شہیں اتے بئی شہیں دی سمگلنگ کوں روکنڑ بارے اجلاس،آئی بی،آئی ایس آئی،اتے ایف آئی اے کوں سمگلنگ دے خلاف موثر کریک ڈاﺅن د ی مانیٹرنگ رپورٹ باقاعدگی نال پیش کرنڑ دی ہدایت کیتی اے۔ وزیراعظم میڈیا آفس توں جاری بیان دے مطابق منگل کو ںوزیرِاعظم عمران خان دی صدارت اچ کھاونڑ پیونڑ دی شہیں اتے بئی شہیں دی سمگلنگ کوں روکنڑ بارے اجلاس تھیا ۔اجلاس اچ وزیر برائے نیشنل فوڈ سکیورٹی مخدوم خسرو بختیار، وزیر منصوبہ بندی اسد عمر، مشیر تجارت عبدالرزاق داو ¿د، سیکرٹری داخلہ، سیکرٹری نیشنل فوڈ سکیورٹی، قائم مقام چیئرمین ایف بی آر، صوبائی ہوم سیکرٹریز تے بے سینئر افسر شریک تھیے۔ وزیراعظم ’ وزارتِ داخلہ، قانون نافذ کرنڑ آلے ادارے ،وفاقی تے صوبائی ادارے،ایف بی آبر ،صوبائی حکومتاں کوں سانجھی کاروائی کرنڑ دی ہدایت ڈیندیں ہوئیں آکھیا جو وزارت داخلہ آندے چووی گھنٹیاں اچ جامع رپورٹ وی پیش کرے۔وزیراعظم آکھیا جو بلوچستان اچ بارڈر مارکیٹس بنڑنڑ دے کم کوں تکھا کیتا ونجے،فوڈ آئٹمز دی سمگلنگ نال نرخاں اچ وادھا اتے عام بندہ کوں اوکھ تھیندی اے جیڑھا جو کہیں صورت قبول کائنی،سمگلنگ نال ملکی معیشت کوں ارباں روپے دا ضیان تھیندا پے،سمگلنگ کوں روکنڑ قومی فائدہ اے،ایں دے وچ آلس برداشت کائنا کیتی ویسی۔
