اسلام آباد ۔ 20 فروری (اے پی پی) وزیراعظم دے مشیر برائے خزانہ تے محصولات ڈاکٹر عبدالحفیظ شیخ آکھیا جو غیر ملکی سرمایہ کاراں سانگے بہترین سازگار ماحول ڈیونڑ،نویں برآمدی مارکیٹاں دی گول سانجھے سنجیدہ کوشش کریندے پن،دولت مشترکہ دے ملک اساڈی برآمدت سانگے بہترین منڈیاں ثابت تھی سگدن۔اے گالھ انہاں خمیس کوں اتھاں دولت مشترکہ انٹرپرائز اینڈ انویسٹمنٹ کونسل دے وفد نال ملاقات اچ گالھ مہاڑکریندیں ہوئیں آکھی۔ وفد دی قیادت کونسل دے ڈپٹی چیئرمین سرہوگو سوائر کر یندے پے ہن۔وفد دے سربراہ وزیراعظم دے مشیر کوں بریفنگ ڈیندیں ہوئیں آکھیا جو کونسل کنے دولت مشترکہ دے ملکاں اچ تجارت اتے سرمایہ کاری اچ سہولتاں ڈیونڑ دا مینڈیٹ اے،کونسل ولوں ہر ڈو سالیں بعد دولت مشترکہ بزنس فورم دا انعقاد کیتا ویندا پے۔ایں سال اے فورم روانڈا اچ تھیندا پے اتے انہاں ڈی خواہش اے جو وزیراعظم پاکستان عمران خان کوں تجارتی وفد دے رے ایں فورم اچ شرکت سانگے سڈیا ونجے۔
