اسلام آباد ۔ 19 فروری (اے پی پی) وزیر خارجہ شاہ محمود قریشی نال امریکی انسٹیٹیوٹ آف پیس دی صدر نینسی لِنڈبرگ دی ملاقات بدھ کوں اتھاں تھئی۔ ادارے دے نائب صدر اینڈریو ویلڈر وی ایں موقع تے موجود ہن۔ادارے دی صدر وزیر خارجہ کوں ادارے دی مختلف شعبیاں اچ تحقیق اتے سرگرمیاں بارے بریفنگ ڈتی اتے آکھیا جو امریکی انسٹیٹیوٹ آف پیس 1984 توں مختلف شعبیاں اچ تحقیق نال جڑی اے۔گزریل 17سالاں توں اے ادارہ افغانستان اچ مقامی حکومتاں اتے سول سوسائٹی دے نال ریسرچ اتے پالیسی سازی اچ اہم کردار ادا کریندا پے۔
