اسلام آباد ۔ 25 فروری (اے پی پی) پاکستان اتے نیپال ڈو پاسہ تعلقات ودھاونڑ اتے مضبوط کرنڑ دا عزم کیتے۔وزیر خارجہ شاہ محمود قریشی نال نیپال دے سیکرٹری خارجہ شنکرداس بیراگی دی ملاقات منگل کوں وزارت خارجہ اچ تھئی۔ملاقات اچ فریقی ڈو پاسہ تعلقات کوں ودھاونڑ اتے مضبوط کرنڑ دا عزم کیتے۔ شنکرداس دی قیادت اچ نیپالی وفد پاک۔نیپال ڈوطرفہ سیاسی مشورے دے چوتھے دور سانگے پاکستان آئن۔وزیرخارجہ ایں موقع تے پاک۔نیپال سفارتی تعلقات دے 60 سال پورے تھیونڑ تے نیپالی سیکرٹری خارجہ کوں مبارک باد ڈتی۔
