اسلام آباد/ راولپنڈی ۔ 06 فروری (اے پی پی) پاکستان اتے بنگلہ دیش دی کرکٹ ٹیماں داڈو ٹیسٹ میچاں دی سیریز دا پہلا میچ جمعہ توں راولپنڈی کرکٹ سٹیڈیم اچ شروع تھیسی،بنگلہ دیشی ٹیم پہلی واری راولپنڈی کرکٹ سٹیڈیم اچ ٹیسٹ میچ کھیڈسی۔ٹیسٹ میچ اچ قومی ٹیم دی قیادت اظہر علی جڈاں جو بنگلہ دیشی ٹیم دی قیادت مومن الحق کریسن۔پاکستان دی ٹیم بنگلہ دیش دے خلاف ہنڑ تئیں ٹیسٹ میچز اچ ناقابل شکست رہی اے اتے 2001ءتوں 2015ءتئیں ڈوہاں ٹیماں مختلف جاہیں تے 10 ٹیسٹ میچ کھیڈن جیندے اچوں پاکستان 9 میچزجیتن اتے ہک ڈرا تھئے جیندے نال پاکستانی ٹیم دی جیت دا تناسب 90 فیصد اے۔بنگلہ دیشی ٹیم کیتے راولپنڈی اسلام آباد اچ سیکیورٹی دے سخت انتظامات کیتے گین اتے مہمان ٹیم کوں سٹیٹ گیسٹ دا درجہ ڈتا گئے،ایں سانگے سکیورٹی دے چار حصار،پہلا مسلح افواج دے کمانڈوز،ڈوجھا رینجرز، تریجھا سی ٹی ڈی پولیس اتے چھیکڑی چوتھا بیرونی حصار اسلام آباد پولیس دا اے۔
