اسلام آباد ۔ 22 فروری (اے پی پی) وزیر خارجہ شاہ محمود قریشی آکھیا جو پاکستان خلوص اتے نیک نیتی نال افغان امن عمل اچ اپنڑاں کردار ادا کیتے ہنڑ افغاناں کوں اپنڑاں کردار ادا کرنڑاں چاہیدے،اج امریکہ سمیت پوری دنیا اساڈ ے کردار دی تعریف کریندی پی اے۔پاکستان دی موجودگی اچ29فروری کوں امریکہ طالبان وچال معاہدے تے دستخط تھیسن کیونجو پاکستان دے بغیر افغانستان دے مسئلے دا پر امن سوکھا کائنا ہئی ۔ہفتے کوں ” افغان امن عمل ” بارے وزیر خارجہ مخدوم شاہ محمود قریشی ہک بیان اچ آکھیا جو افغانستان دے مسئلے دا پر امن حل سوکھا کائنا ہئی اتے نہ اے۔طالبان کوں مذاکرات دی میز تے گھن آونڑ سانگے راضی کرنڑ وی سوکھا کائنا ہئی ۔انہاں آکھیا جو دوحہ مذاکرات شروع کرنڑ سوکھا کائنا ہئی جڈانجو خوشی دی گالھ اے جو اج ڈوہیں فریق آکھدے پن جو اساں تفصیلات طے کر گھدن اتے ہک معاہدے دے نیڑے پج گیوں۔
