پاکستان داسکھ ڈکھ ساڈا ڈکھ سکھ اے، مسئلہ کشمیر داپر امن حل چاہندے ہیں،کوئی وی فاصلہ مسلماناں دے دلاں اچ کندھی نئیں بنڑ سگدا ترک صدر رجب طیب اردوان دا پارلیمنٹ دے مشترکہ اجلاس نال خطاب

اسلام آباد ۔ 14 فروری (اے پی پی) ترک صدر رجب طیب اردوان آکھیے جو پاکستا ن دا سکھ ڈکھ ساڈا ڈکھ سکھ اے،ترکی مسئلہ کشمیر دے پرامن اتے مذاکرات نال حل چاہندے،مسئلہ کشمیر دا حل طاقت یا جبری پالیسیاں نال نئیں بھل انصاف و حقانیت دے اصولاں نال ممکن اے،پاکستان نال ازل دے تعلقات ابد تئیں قائم راہسن،کوئی وی فاصلہ مسلماناں دے دلاں اچ کندھی نئیں بنڑ سگدا،ٹرمپ دا ”صدی دا منصوبہ“فساددامنصوبہ اے۔اے گالھ ترکی دے صدر اپنڑے دورہ پاکستان دے دوران پارلیمنت دے مشترکہ اجلاس نال اپنڑے خطاب اچ آکھی۔انہاںا ٓکھیے جو اساں انسداددہشت گردی اچ پاکستان نال ہتھ ونڈیندے راہسوں،پورے جگ دے مسلماناں دے ڈکھ درد ونڈاونڑ اتے انہاں دے تھیونڑ آلے مظالم تے انہاں دا ہتھ ونڈاونڑ ساڈا فرض اے،ساڈا ایمان اے جو ظلم دا مقابلہ نہ کرنڑ وی ظلم اے، مسلم امہ دہشت گردی، جنگاں، مذہب پرستی، مفلسی اتے غربت ہیٹھ آئی ہوئی اے۔اپنڑے خطاب اچ انہاںزبردست استقبال اتے وڈی عزت ڈیونڑ تے ترکی اتے ترک عوام ولوں پاکستان اتے پاکستان دا شکریہ ادا کیتا۔انہاںا ٓکھیے جوپاکستان کون اپنرا گھر سمجھیندے ہیں،ترکی اتے پاکستان جھیں بھراواںا ٓلے تعلقات جگ اچ کہیں دے کائنی،اے تعلق سلطنت غزنیہ دے بانی محمود غزنوی دے دورتوں ہین،ساڈے صدارتی نشان تے ترکاں ولوں 16 ریاستاں دے ستارے گجدن،ایندے اچ ظہیر الدین بابردی مغلیہ سلطنت اتے غزنویاں دی سلطنت دے ستارے وی ہین،ساڈی سنگت مفادنئیں عشق و محبت نال ودھی اے،ترکی اچ ناکام بغاوت دے بعد پاکستان دے عوام دیاں دعائیں اساں دل نال محسوس کیتن۔ترک صدر عزم دوہرائے جو ترکی ایف اے ٹی ایف دے اجلاساں اچ پاکستان دی حمایت جاری رکھیسی،یقین اے جو پاکستان دی اقتصادی ترقی نظر آونڑ لگ ویسی،ساڈااسٹریٹجک اقتصادی فریم ورک تجارت توں بنیادی ڈھانچے تئیں سرمایہ کاری تک ہک روڈ میپ ہوسی،باہمی اقتصادی تعلقات کوں ترقی ڈیسوں،انسداد دہشت گردی دے معاملات اچ پاکستان نال ہتھ ونڈیندے راہسوں۔ترک صدر واضح کیتے جو کشمیریاں دی آزادی اتے حاصل شدہ حقوق کوں کھسنڑدیاںپالیسیاں کہیں دے وی مفاد اچ نہ ہوسن،ایندا پر امن حل ضروری اے، ترکی مسئلہ کشمیر کوں انصاف، امن اتے گالھ مہاڑ نال حل کرنڑدے موقف تے ڈٹیا راہسی۔